Budapeştdə iş tapmaq nə dərəcədə asandır?

Budapeşt iqtisadiyyatı güclü, amma immiqrasiya səviyyəsi aşağı olan 100 şəhər arasında 58-ci yeri tutub.

Xezerxeber.az AZƏRTAC-a istinadən xəbər verir ki, belə bir qənaət 2018-ci ildə aparılan "İş axtarmaq üçün ən yaxşı şəhərlər” adlı tədqiqatın yekunlarına əsasən əldə olunub.

Dünyanın yüz belə şəhərinin siyahısı üç meyar – startaplar və yaradılmış müəssisələr üçün iqtisadi qüvvə; xalis gəlir və səhiyyə sahəsində güzəştlər də daxil olmaqla həyat səviyyəsi; qadınların, gənclərin və mühacirlərin işə cəlb edilməsi meyarları əsasında işlə təmin olunma imkanları üzrə seçilib və tərtib edilib. Qiymətləndirmə 0-10 bal əsasında aparılıb.

İş tapmaq imkanlarının geniş olduğu yüz ən yaxşı şəhər siyahısına ABŞ-ın Boston şəhəri başçılıq edib. Onun ardınca Münxen (Almaniya) və Kalqari (Kanada) gəlir. Dubay gənclərin, Norveç isə qadınların iş axtarması üçün ən yaxşı şəhər sayılıb.

Budapeşt istər "iqtisadi qüvvə” (7.97), istərsə də "gənclər üçün imkanlar” (7.30) meyarları üzrə böyük nailiyyət əldə edib. Lakin "həyat səviyyəsi” (5.15), "qadınlar üçün imkanlar” (5.05) və "immiqrasiya” (4.69) meyarlarına görə ümumi balı azalaraq 5.92 təşkil edib.