Xəzər Xəbər

"ASAN Xidmət"dən bölgə sakinlərinə şad xəbər

Gündəm | 17:52 • 24 Sentyabr 2018
"ASAN Xidmət"dən bölgə sakinlərinə şad xəbər

Vətəndaşlara səyyar formada xidmət göstərəcək

Səyyar ASAN xidmət 3 sentyabr – 2 oktyabr İmişli, Xaçmaz, Lənkəran, Ağcabədi, İsmayıllıda, 3 – 27 sentyabr Qazaxda, 20 – 29 sentyabr Qobustan qəsəbəsində, 21 sentyabr – 2 oktyabr Dəliməmmədli şəhərində, 21 sentyabr – 5 oktyabr Masazırda, 26 sentyabr – 15 oktyabr tarixlərində isə Göyçayda vətəndaşlara səyyar formada xidmət göstərəcək.

"ASAN Xidmət"in mətbuat xidmətindən verilən məlumata görə, səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bu xidmətlərə aşağıdakılar daxildir:

—Notariat fəaliyyəti;

—Vətəndaşlıq vəziyyəti aktlarının dövlət qeydiyyatı;

—Şəxsiyyət vəsiqələrinin verilməsi və dəyişdirilməsi;

—Ümumvətəndaş pasportlarının verilməsi və dəyişdirilməsi;

—Sürücülük vəsiqələrinin dəyişdirilməsi;

—Əmək pensiyalarının təyin edilməsi;

—Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;

—Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

—Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki

Xəbər lenti