Xəzər Xəbər

Bakı küçələrini xüsusi texnikalar süpürəcək VİDEO

Veb TV | 20:59 • 14 Avqust 2018
Bakı küçələrini xüsusi texnikalar süpürəcək

Bakı küçələrini xüsusi texnikalar süpürəcək. Küçələrinin təmizlənməsində insan amili minimuma endiriləcək. Artıq Bakı Şəhər Icra Hakimiyyəti bu məsələnin həlli üzərində çalışır. Yaxın vaxtlarda müasir və çoxfunksiyalı texnikaları görmək mümkün olacaq.

Bu texnika vasitəsi ilə yerə düşən ağac yarpaqları toplanılır.

Başqa biri isə plastic qabları və digər zibilləri yığır.

Müasir və çoxfunksiyalı texnikalar vasitəsi ilə təmizlənən yollar bir anda tər-təmiz olur.

Təqdim etdiyimiz bu görüntülər xaricdə çəkilsə də, artıq paytaxt küçələrində də belə texnikaları qısa zamanda görmək mümkün olacaq. Bakıda yaxın vaxtlarda süpürgəçilərin əvəzinə xüsusi texnika işləyəcək.

Bununla da Bakı Şəhər İcra Hakimiyyəti tərəfindən paytaxt küçələrinin təmizlənməsində insan amili minimum endiriləcək. Artıq sözügedən qrum tərəfindən xüsusi proqram hazırlanıb və onun icrasından sonra yollarda zibilin yığışdırılması tamamilə avtomatlaşdırılacaq. Bu proqramın hazırlanmasına avropalı aparıcı ekspertlər cəlb olunub və onlar yaxın günlərdə öz təkliflərini təqdim edəcəklər.

Elə paytaxt sakinlərinin də buna münasibəti birmənalıdır. İcra hakimiyyətinin yaydığı məlumatda bildirilir ki, iş prosesində insan amili qalacaq, lakin minimuma endiriləcək. Öz vəzifə öhdəliklərini yerinə yetirən zaman kommunal xidmət əməkdaşlarının ölümü faciədir və bu qəbuledilməzdir.

Bundan əlavə, məlumatda sürücülər tərəfindən sürət həddinin aşılması da qeyd olunur. Bildirilir ki, körpülərdə, bəzi küçələrdə müəyyən edilmiş saatda 40-60 kilometr sürət əvəzinə avtomobil sürücüləri 80-100 km/saat sürətlə hərəkət edirlər. Bütün bu problemlərin kompleks həlli üzərində çalışılır.

Xəbər lenti