ABŞ prezident
administrasiyası Avropa İttifaqı (Aİ) ilə ticarət məsələləri üzrə
məsləhətləşmələr zamanı təklif edib ki, Aİ polad və alüminium ixracını
müxtəlif yollarla 10% azaltsın. Bu məlumatı məsləhətləşmələrdə iştirak edən Polşanın sahibkarlıq və texnologiylar naziri Yadviqa Emileviç təsdiqləyib.
Onun sözlərinə görə, Vaşinqton Brüsselə 2 təklif ünvanlayıb: kvotanı 2017-ci illdə ABŞ-a
ixrac etdikləri polad və alüminium məhsullarının 90%-i həcmində
müəyyənləşdirsinlər, yaxud da həmin metalların ixrac həcmini 10%
azaltsınlar.
Amerika KİV-ləri
administrasiyadakı mənbələrinə istinadən bildirirlər ki, Aİ 2017-ci
ildəki ixracatın 90%-i həcmində kvota tətbiq edilməsini qanunsuz hesab
edir. Həmçinin qeyd olunub ki, Aİ-nın bu cür tədbirlə barışmaq niyyəti
yoxdur.
Xatırladaq ki, martın 23-də ABŞ prezidenti Donald Tramp
1 martdan etibarən ölkəyə gətiriləcək polada 25%, alüminiuma isə 10%
tarif qoyub. Lakin Aİ-ə üzv dövlətlər və digər ölkələr üçün tarifin
tətbiqi 1 mayadək dayandırılmışdı. Hazırda isə qərarın icrası iyunun
1-dək uzadılıb.
Almaniya kansleri Angela Merkel ABŞ-ın bu tədbirlərini əsassız adlandırıb, Avstriya baş naziri Sebastian Kurtz isə Trampın tarif siyasətinin Avropanın iqtisadi maraqlarına təhdid olduğunu söyləyib. /azvision.az