Xəzər Rayon Polis
İdarəsinin 1-ci Polis Bölməsinə müraciət edən Bakı şəhər sakini Nadirxan
Hüseynov Şüvəlan qəsəbəsi ərazisindən "VAZ-2106” markalı avtomobilinin
qaçırıldığını bildirib.
DİN-dən
XəzərXəbər-ə verilən xəbərə görə, dərhal başlanılan əməliyyat-axtarış tədbirləri ilə
avtomobil qısa zamanda Qala qəsəbəsi ərazisində tapılıb.Davam
etdirilən tədbirlərlə maşını qaçıran şəxs də polis əməkdaşları
tərəfindən müəyyən edilərək saxlanılıb. Araşdırmalarla onun Bakı şəhər sakini Azər Salayev olması müəyyən edilib.
Eyni zamanda Suraxanı Rayon Polis İdarəsinin 33-cü Polis Bölməsinə Yeni Günəşli və Zığ qəsəbələrindən 2 avtomobilin qaçırılması barədə məlumatlar daxil olub. Araşdırmalarla Yeni Günəşli ərazisindən Bakı
şəhər sakini Toğrul Əhmədovun "VAZ-2104”, Zığ qəsəbəsindən isə Mürsəl
Quliyevin "VAZ-21074” markalı avtomobillərin qaçırılmaları müəyyən
edilib.
Təxirəsalınmaz tədbirlərlə "VAZ-2104” markalı avtomobil qısa zamanda Naximov küçəsində tapılıb.
Əməliyyat-axtarış
tədbirləri ilə maşınları qaçırmaqda şübhəli bilinən şəxs də polis
əməkdaşları tərəfindən müəyyən edilərək saxlanılıb. Araşdırmalarla onun Bakı şəhər sakini Amin Ramazanov olması müəyyən edilib. Saxlanılan şəxslər istintaqa təhvil veriliblər.