Xəzər Xəbər

Şamaxıda sürüşmə - Evlər qəzalı vəziyyətə düşüb - VİDEO

Veb TV | 20:47 • 11 Dekabr 2017
Şamaxıda sürüşmə -

Şamaxı rayonunda səhər saatlarında baş verən torpaq sürüşməsi həyətdəki tikililərin uçmasına səbəb olub.

Xezerxeber.az məlumat verir ki, 7 metrlik hasar sürüşməyə tab gətirməyərək uçub. Evə gələn qaz xəttləri qırılıb.

Son bir həftədə Şamaxıda hektarlarla torpaq sahəsi sürüşməyə məruz qalıb. Ətrafda yerləşən 5 ev qəzalı vəziyyətə düşüb. Artıq bir evin sakini evindən köçüb. 2 evin hasarında və kiçik tikililərdə çatlar əmələ gəlib.

Dünən gecə başlayan sonuncu sürüşmə nəticəsində 5 hektar sahədə torpaq uçqunu baş verib. İri torpaq yığını evlərə doğru hərəkət edir. Şamaxı Rayon İcra Hakimiyyıtindən verilən məlumata görə, Memarlıq və tikinti şöbəsinin mütəxəssisləri əraziyə baxış keçiriblər. Qəzalı vəziyyətə düşən ev aktlaşdırılıb. Sənədlər bir neçə gündən sonra müvafiq nazirliklərə göndəriləcək.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti