2016/17 mövsümünün bütün mükafatçıları bəlli olub

Azərbaycan Premyer Liqasında 2016/17 mövsümünün mükafatçıları müəyyənləşib. Apasport.az saytının məlumatına görə, XXVII tur gümüş və bürünc medalın sahibinin adına aydınlıq gətirib.

Qızıl medalları təmin edən "Qarabağ”ın ardından "Qəbələ” və "İnter”in də fəxri kürsünün hansı pilləsində qərarlaşacağı dəqiqləşib. Əyalət klubu çempionatın sonuna bir tur qalmış 2-ci yeri rəsmiləşdirib. Bu, "qırmızı-qaralar”ın tarixində hamısı ardıcıl olmaqla 4-cü mükafatdı. Son üç mövsümü 3-cü sırada başa vuran "Qəbələ” ilk dəfə "gümüş”ü bayram edib.

"İnter” isə bürünc medal sayında "Qəbələ”yə çatıb. 2011/12 və 2012/13 mövsümlərindəki kimi 3-cü olan paytaxt təmsilçisi ümumilikdə 8-ci dəfə mükafat qazanıb. Hesabında 2 qızıl və 3 gümüş də olan "İnter” yalnız "Neftçi” və "Qarabağ”dan geri qalır.

Azərbaycan çempionatlarının mükafatçıları

* - "Dinamo” indiki "Bakı”dı.

** - "Olimpik” indiki AZAL-dı.

Ümumilikdə isə indiyədək 25 mövsüm ərzində sahibini tapan 24 dəst medala 16 komanda yiyələnib. Onlardan yalnız 8-i çempion adını qazanıb. 7 komanda isə hər üç əyarlı mükafat əldə edib.

Qeyd: Adını dəyişən komandalar indiki adları ilə göstərilib.