Beynəlxalq Jurnalistlər Federasiyası ABŞ və Aİ-ni Ər-Riyada qarşı sanksiya tətbiq etməyə çağırıb

21.10.2018 09:15

Beynəlxalq Jurnalistlər Federasiyası (BJF) ABŞ və Avropa İttifaqı rəhbərliyini Səudiyyə Ərəbistanına qarşı Camal Xaşkacinin ölkənin İstanbuldakı konsulluğunda qətlə yetirilməsinə görə sanksiya tətbiq etməyə çağırıb.

Xezerxeber.az-ın məlumatına görə, bu barədə Belçikanın paytaxtı Brüssüldə yerləşən BJF-nın bəyanatında bildirilir.

Bəyanatda deyilir: "Əgər Aİ və ABŞ Rusiya və Venesuelaya qarşı onları dövlət tərəfindən təşkil olunmuş qətllərdə ittiham edərək sanksiyalar tətbiq edirsə, niyə Səudiyyə Ərəbistanı qarşı heç bir addım atılmır. Bütün dünya üzrə insan haqları müdafiəçiləri çıxış edir, bir çox şirkət və təşkilatlar artıq sanksiyalar tətbiq ediblər və ya Səudiyyə Ərəbistanında keçirilən tədbirləri boykot ediblər. İndi isə hökümətlər hərəkət etməlidir, onların qatilləri və cinayətin sifarişçilərini tapıb məsuliyyətə cəlb etmək üçün iqtisadi təzyiq rıçaqları, diplomatik və beynəlxalq instrumentari var".

Bəyanatda qeyd edilir ki, Ər-Riyad bu işdə həqiqəti gizlətmək üçün yalan toru toxuyur: "Səudiyyə Ərəbistanı rejiminin öz baş konsulluğunda baş verənləri müəyyən etməsi üçün çox sayda günə ehtiyacı olması fikiri belə gülünc və əsassızdır".

© xezerxeber.az


88 dəfə oxunub

XƏBƏRLƏR

ÇOX OXUNANLAR