ABŞ prezidenti KXDR lideri ilə tezliklə görüşəcəyini bildirib

19.09.2018 23:42

ABŞ Prezidenti Donald Tramp KXDR lideri Kim Çen Inla tezliklə görüş keçirəcəyini bildirib.

Xezerxeber.az TASS informasiya agentliyinə istinadla xəbər verir ki, çərşənbə günü Ağ evdə jurnalistlər qarşısında çıxış edən Tramp bununla bağlı sualı cavablandırarkən "Biz (tezliklə) görüşəcəyik”, - deyib. Lakin Vaşinqton Administrasiyasının başçısı mümkün sammitin vaxtını söyləməyib. Tramp 2018-ci ildə üçüncü dəfə - sentyabrın 18-dən 20-dək keçirilən Koreyalararası sammiti dəstəklədiyini də qeyd edib.

Xatırladaq ki, iyunun 12-də tarixdə ilk dəfə olaraq Sinqapurda ABŞ və KXDR arasında yüksək səviyyəli görüş keçirilib. Sammitin yekunlarına əsasən Donald Tramp və Kim Çen In birgə bəyannamə qəbul ediblər. Pxenyan Koreya yarımadasının tam nüvəsizləşdirilməsinə hazır olması, ABŞ isə bunun qarşılığında KXDR-ə təhlükəsizlik zəmanəti vermək barədə öhdəlik götürüb.

© xezerxeber.az


175 dəfə oxunub

XƏBƏRLƏR

ÇOX OXUNANLAR