Yüzlərlə gəncin ölümünə səbəb olan "Mavi balina" bu sosial şəbəkələrdən yayılır - Qurucusu ETİRAF ETDİ

21.06.2018 13:58

2015-ci ildə Rusiyada çıxan və 130 gəncin ölümünə səbəb olan "Mavi balina” internet oyununun qurucusundan sonra onun ortağı Nikita Nearonov da həbs edilib.

Oyunun qurucusu, 22 yaşlı Filip Budeikin ötən il 16 gəncin intiharına səbəb olmaqdan dolayı həbs edilmiş, lakin o, həbsdə ikən oyunun davam etdiyi ortaya çıxmışdı.

Oyunun digər bir idarəçisi olan İya Sidorovun həbs edilməsinə rəğmən, istifadəçilərə mesajların göndərilməsi davam edib. Nəhayət, polis təlimatları yönləndirən şəxsin 22 yaşlı Nikita Nearonov olduğunu təsbit edib.

Nearonovun 10 gəncin intiharında rol oynadığı və 40 nəfərlik bir qrupla oyun üzərində toplantılar təşkil etdiyi üzə çıxıb. Onun çox zəkalı gənc olduğuna diqqət çəkən polis Nearonovun ailəsinin normal olduğunu və Moskvada maliyyə mütəxəssisi kimi yüksək maaşlı bir işdə işlədiyini qeyd edib. Araşdırmalara görə, Nearonov vatsap və feysbukdan deyil, Rusiyanın sosial media platforması olan VK və Teleqramdan istifadə edərək oyunun istifadəçiləri ilə əlaqə yaradıb.

Qeyd edək ki, "Mavi balina” oyunu Rusiyada psixologiya fakultəsinin bir tələbəsi tərəfindən kəşf edilib. Oyun ilk olaraq oynayanlardan birinin 2015-ci ildə intihar etməsindən sonra gündəmə gəlib. Oyundan təsirlənərək intihar edən istifadəçilərin sayı 2015-2016-cı ildə Rusiyada 130 nəfərə çatıb.

"Mavi balina” oyunu tam 50 gün davam edir. Oyunun istifadəçiləri onlara göndərilən təlimatları sıra ilə yerinə yetirir. Son vəzifə isə intihar olur./publika.az

© xezerxeber.az


345 dəfə oxunub

XƏBƏRLƏR

ÇOX OXUNANLAR