Bakı
31 C
USD
EUR
1.7000
1.9125
RUB
GBP
0.0244
2.1107
XƏBƏR
ARXİVİ

Azərbaycanda xüsusi qaydalarla yeni dərs ili BAŞLADI - VİDEO

15.09.2020 19:36

Bu gün ölkəmizdə yeni dərs ilinə start verilib. Ötən illərdən fərqli olaraq bu ilki bilik günü pandemiya dövrünün tələblərinə uyğunlaşdırılıb. Hər il sentyabrın 15-də səhər saatlarından şagirdlərin səs-küyü ilə dolu olan məktəblərdə bugün fərqli mənzərə yaşanıb.Heç bir xüsusi tədbir keçirilməyib

Bu məktəbli anasından ayrılmaq istəmir. Digəri isə ağlaya-ağlaya sırada dayanıb.

Parta arxasında yuxulayanlar da oldu, birinci gündən başı söhbətə qarışanlar da... Yeni tədris ili belə maraqlı görüntülərlə yadda qaldı.

Bəziləri məktəbə gələr-gəlməz özünə yeni dostlar tapdı, bəziləri də şeir danışıb, kameramıza əl salladı.

Bu ilki bilik günü pandemiya dövrünün tələblərinə uyğunlaşdırıldı. Heç bir kütləvi tədbir keçirilmədi. Səhər saatlarından şagirdlərin səs-küyü ilə dolu olan məktəblərdə bu il fərqli mənzərə var idi.

Məktəbə daxil olan müəllim və şagirdlərin hərarəti yoxlanaraq, əlləri dezinfeksiya edildi. Partalarda tək-tək əyləşən şagirdlər tənəffüs zamanı da dəhlizə çıxmadılar.

Bu gün şagirdlərlə yanaşı, valideynlər və müəllimlər də həm həyəcanlı, həm də sevincli idilər.

Qeyd edək ki, şagirdlər həftənin yalnız 2-3 günü ənənəvi qaydada dərsə gedəcəklər, qalan günlərdə tədris onlayn qaydada aparılacaq.

© xezerxeber.az


223 dəfə oxunub

XƏBƏRLƏR

ÇOX OXUNANLAR