“Beşitkaş”ın qapıçısı azarkeşlərdən üzr istəyib

20.09.2019 10:46

Türkiyənin "Beşiktaş” klubunun qapıçısı Loris Karius Avropa Liqasının qrup mərhələsinin I turundakı səhvinə görə üzr istəyib.

APA-nın məlumatına görə, "Slovan”la Slovakiyadakı matçın 15-ci dəqiqəsində kobud səhv edərək rəqibin hesabı açmasında pay sahibi olan qolkiper qarşılaşmadan sonra azarkeşlərə müraciət edib.

O, 2:4 hesablı məğlubiyyətdə buraxılan ilk qolun günahkarı olduğunu və bu səbəbdən də üzr istədiyini açıqlayıb: "Bilirəm ki, bu oyun komandaya və azarkeşlərə acı bəxş edib. Siz qəzəblənə, məyus ola bilərsiniz. Mən ilk qola görə bütün məsuliyyəti üzərimə götürürəm. Daha etibarlı oynamalı idim. Düzdür, bundan sonra da qalib gələ bilərdik. Amma hər şey planımıza uyğun getmədi. Lakin gəlin bir olaq. Qarşıda hələ çox oyunumuz var. Dəstəyiniz bizə çox lazımdır”.

Qeyd edək ki, "Beşiktaş” Bratislavadakı matçda 2:4 hesabı ilə uduzub.

© xezerxeber.az


130 dəfə oxunub

XƏBƏRLƏR

ÇOX OXUNANLAR