Bakı
31 C
USD
EUR
1.7000
1.9944
RUB
GBP
0.0271
2.2843
XƏBƏR
ARXİVİ

Kaliforniyada dəhşətli meşə yanğınları: 20 min insan təxliyə olunub

10.08.2018 13:46

ABŞ-ın Kaliforniya ştatının hakimiyyət orqanları təbiət yanğınların tüğyan etdiyi Riversayd və Oranc dairələrindən 20 min insanın təxliyə olunmasına qərar verib.

Kaliforniya qubernatoru Cerri Braun hər iki dairənin ərazisində fövqəladə vəziyyət rejimi elan edib. O, alovun minlərlə evə təhlükə yaratdığını bildirib və əhalini təhlükəli zonalardan uzaqlaşmağa çağırıb.

Kaliforniyada bir neçə həftədir davam edən yanğınlar nəticəsində azı 10 nəfərin həlak olduğu barədə məlumat yayılıb. Ştat hökumətinin məlumatına əsasən, "Holi” adı verilən yanğın artıq 4 min hektar əraziyə yayılıb. İsti hava şəraiti və quraqlıq, həmçinin güclü külək yanğının söndürülməsi əməliyyatlarını çətinləşdirir.

Bu gün yerli məhkəmədə yanğını törətməkdə ittiham edilən 51 yaşlı Forrest Klarkın məhkəməsi başlayacaq. Günahı sübut olunacağı təqdirdə onu ömürlük həbs cəzası gözləyir.

© xezerxeber.az


55 dəfə oxunub

XƏBƏRLƏR

ÇOX OXUNANLAR