BP: Türkiyəyə ilk təbii qazın çatdırılması üçün bütün infrastruktur qurulub

17.05.2018 13:48

Türkiyəyə ilk kommersiya qazının çatdırılması üçün lazım olan bütün infrastruktur artıq yekunlaşıb.

"BP Azerbaijan” şirkətindən bildirilib ki, cari ilin birinci rübü ərzində Cənubi Qafqaz Boru Kəmərinin Genişləndirilməsi (CQBK) üzrə işlər Azərbaycan və Gürcüstanda boru kəməri marşrutu boyunca uğurla davam edib. Ümumilikdə bu işlərin ilk qaz üçün nəzərdə tutulmuş həcminin 99 faizi artıq tamamlanıb.

Bütün xətt boyunca əsas kəmər istismar qaynaqlarının hamısı tamamlanıb, kəmərin tam hazır olması üçün yalnız birləşmə qaynaqları qalır.

Gürcüstandakı birinci kompressor stansiyasına artıq karbohidrogen daxil edilib və əməliyyatlara hazırdır. Türkiyəyə ilk kommersiya qazının çatdırılması üçün lazım olan bütün infrastruktur artıq tamamlanıb. İkinci kompressor stansiyasında istismar sınaqları başlanıb və işlər qrafik üzrə irəliləyir.

© xezerxeber.az


215 dəfə oxunub

XƏBƏRLƏR

ÇOX OXUNANLAR