Reyhan cihazının iş prinsipini əyani olaraq “XəzərXəbər”lə bölüşdü - VİDEO

07.12.2017 20:59

Reyhan Camalova.. Bu ad nəinki bizə artıq bütün dünyaya tanışdı. Camalovanın yağış suyundan enerji əldə edən qurğusu bəşəriyyət üçün önəmli kəşflərdən biri hesab olunur. İxtirası ilə Azərbaycanı qürurlandıran Reyhan cihazının iş prinsipini əyani olaraq "XəzərXəbər”lə bölüşüb.

Əvvəlcə yağış suyu xüsusi çənə toplanır. Daha sonra pərlər vasitəsilə fırladılaraq enerji alınır. Bununla da kiçik lampalar işıqlandırılır. 15 yaşlı Reyhan Camalovanın hazırladığı reynerci qurğusunun iş prinsipi belədir

İlkin model vasitəsilə qısa müddət ərzində lampaları işıqlandırmaq mümkündür

Qurğunun prototipi hazırda 22 vatt enerji istehsal edir. Reyhan Camalova deyir ki, hazırda bu enerjini çoxaltmağın üzərində işləyir. Beynəlxalq forumda layihə xarici investorların diqqətini cəlb edib.

Qurğunun tam işə düşməsi üçün müəyyən qədər vəsait tələb edilir. Test rejimində yoxlanacaq cihazın ölçüləri də böyük olacaq

Reyhan Camalova yeni qurğunun sinif yoldaşı Zəhra Qasımzadə ilə birgə hazırlayıb.

Alternativ enerji mənbələrinin dünyada aktuallaşdığı indiki dönəmdə Reynerci qurğusunun tam gücü ilə işə salınması olduqca real görünür.

© xezerxeber.az


469 dəfə oxunub

XƏBƏRLƏR

ÇOX OXUNANLAR