Bu dükan böyük marağa səbəb olur: kitablar, radiolar, sovet dönəminin əşyaları - VİDEO

Əksər vaxt bina sökülərkən mənzillərdəki əşyalar ya elə orda qalır, ya da ki, zibilliklərə atılır. Bakı sakini isə qış parkının yaxınlığında olan evlər sökülərkən boş evlərdə qalan əşyaları toplayaraq saxlayıb. Sujetimizin qəhrəmanı ilk vaxtlar bu işə xobbi kimi başlasa da, artıq bu əşyalarla özünə dükan açıb.

Birinci dünya müharibəsi dövründən qalan kitablar, radiolar, sovet dönəminin əşyaları.

Demək olar ki, bu mağazada olan əşyaların əksəriyyəti bir zamanlar hər kəsin evində olub, əşyalara baxarkən nostalji hisslər yaşamamaq əldə deyil

Bakı sakini Qulaməli Babayev bir neçə il əvvəl köhnə evlər sökülərkən bir çox insanın zibilə atdığı həmin əşyaları toplayaraq saxlayıb.

İlk vaxtlar xobbi kimi başlasa da zamanla əşyalar o qədər artıb ki,Qulaməli Babayev onların satışına başlayıb.

25 minə yaxın kitab toplayan Qulaməli Babayev dükanında yer olmadığından kitabların çoxusunu hədiyyə edir. Onun sözlərinə görə, antik əşyalara kifayət qədər maraq var.

Qiymətlər isə əşyanın ilinə və vəziyyətinin sazlığına görə dəyişir.

6 ildir fəaliyyət göstərən dükana daha çox turistlər və gənclər maraq göstərir. Qulaməli Babayev kitabların bəzilərini internat məktəbinə hədiyyə etməyi düşünür.