Ən yüksək bal toplayaraq ölkə birincisi oldu - VİDEO

Azərbaycanda I ixtisas qrupu üzrə ən yüksək balı Əsmər Hacızadə toplayıb.

Xezerxeber.az-ın məlumatına görə, Əsmər Hacızadə 690,5 bal toplayaraq I ixtisas qrupu üzrə ölkə birincisi olub.

Tələbənin sözlərinə görə, hədəfə çatmaq üçün sadəcə çalışmaq lazımdır. Ən əsası isə çalışmağı düzgün tənzimləmək vacibdir.

"Kaspi" hazırlıq kurslarının yetirməsi olan Əsmər əlavə müəllim yanına getmədən bu nəticəni əldə etdiyini bildirib. Gənc qızın sözlərinə görə, 700 balı toplaya bilməməsinin səbəbi isə mexaniki səhvlə bağlı olub.

Yeni tədris ilindən Ali Neft Məktəbində informasiya təhlükəsizliyi ixtisasında təhsil alacaq gənc qız bundan sonra da çalışaraq öz ixtisası üzrə birinci olmağı hədəfləyir.

Qeyd edək ki, Əsmər həmçinin Prezident təqaüdçüsüdür.

Xezerxeber.az mövzu ilə bağlı daha ətraflı videomaterialı təqdim edir: