Xəzər Xəbər

Həm təhlükəli, həm də maraqlı... - Oğuz sakini həyətində 3 ayı bəsləyir - VİDEO

Veb TV | 20:25 • 16 May 2019
Həm təhlükəli, həm də maraqlı... -

Oğuz sakini riskli və riskli olduğu qədər də maraqlı bir iş görür. O, həyətində 10-dək ayı yemləyir.

Xezerxeber.az-ın məlumatına görə, ayılar həyətə daxil olur, onlar üçün qoyulan yeməyi yeyir, heç kəsə və heç nəyə toxunmadan çıxıb gedirlər.

Oğuz rayon sakini Dağlar Mehdiyev bu 3 ayı balasını bir necə il əvvəl taparaq saxlayıb. Heyvanlardan 1-i erkək, 2-si isə dişi olub. Onun sözlərinə görə, ayı balalarını evinə yaxın ərazidə tapıb. Həmin vaxt isə ayıların vəziyyəti heç də yaxşı olmayıb.

Dağlar Mehdiyevin sözlərinə görə, ayılara yem olaraq ancaq ləpə və ət verib. Ayıları bir müddət bəslədikdən sonra onları meşəyə buraxıb. Amma bundan sonra da erkək ayılar mütəmadi olaraq bu həyətə gəlməyə başlayıb.

Dişi ayılar bir müddət gəlməyib, amma sonralar onlar da öz balaları ilə bu həyətə gəlməyə başlayıblar.

Rayonun Xaçmaz kənd sakini, 49 yaşlı Dağlar Mehdiyevin sözlərinə görə, ayılar tez-tez həyətə gəlsələr də, heç kəsə və heç nəyə zərər vurmurlar. Hətta evin balaca sakini də ayılardan qorxmadığını deyir. Onlar ayılara maraqlı adlar da qoyub.

Dağlar Mehdiyev düşünür ki, ayılar ondan yalnız yaxşılıq gördükləri üçün ona və ailə üzvlərinə toxunmur.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti