Xəzər Xəbər

Avroliqanın finalında VAR sistemindən istifadə olunacaq

İdman | 17:58 • 16 May 2019
Avroliqanın finalında VAR sistemindən istifadə olunacaq

UEFA-nın rəsmi saytında verilən məlumata görə, Avropa Liqasının finalında İngiltərənin "Arsenal” və "Çelsi” komandaları arasında matçda VAR (arbitrlərə videokömək) sistemindən istifadə ediləcək.


Xezerxeber.az xəbər verir ki, bu matç turnir tarixində hakimlərin videotəkrarlardan istifadə edə biləcəyi ilk oyun olacaq.


Xatırladaq ki, "Arsenal”-"Çelsi” finalı mayın 29-da Bakı Olimpiya Stadionunda keçiriləcək.


Matçın baş arbitri italiyalı Canluka Rokki olacaq. Ona Filippo Meli və Lorenso Manqanelli kömək edəcək. Dördüncü arbitr kimi Daniele Orsato təyin edilib.


Bundan əvvəl VAR sistemindən Çempionlar Liqasının pley-off matçlarında istifadə edilib.


Əlavə məlumat kimi qeyd edək ki, Avroliqanın qalibi Çempionlar Liqasına birbaşa vəsiqə alacaq.

Xəbər lenti