Xəzər Xəbər

Ölkə ərazisində elektrik enerjisinin təminatı tam bərpa olundu - "Azərenerji"

Gündəm | 21:12 • 12 İyul 2018
Ölkə ərazisində elektrik enerjisinin təminatı tam bərpa olundu - "Azərenerji"

Hazırda ölkə ərazisində elektrik enerjisinin təminatı tam bərpa olunub.

Bu sözləri "Azərenerji" ASC-nin mətbuat xidmətinin rəhbəri Yəhya Babanlı deyib.

O bildirib ki, bu gün 15:30 radələrində yaranan problem aradan qaldırılıb:

"Bu gün saat 15:30 radələrində Mingəçevir şəhərindən 151 km məsafədə yerləşən Ağsu rayonunun Bico kəndində və Yevlax rayonunun Xanabad kəndindən 20 km məsafədə eyni vaxtda Hava Elektrik Veriliş xəttlərinin yerləşdiyi ərazilərdə genişmiqyaslı yanğın baş vermişdir. Baş vermiş yanğın elektrik enerjisinin ötürülməsi sistemində qəzaya gətirib çıxardı. Bunun nəticəsində enerji təchizatında yaranmış məhdudiyyət "Azərenerji” ASC-nin mütəxəssisləri tərəfindən çevik tədbirlərlə aradan qaldırıldı.Hazırda ölkə ərazisində elektrik enerjisinin təminatı tam bərpa olunub. Hadisənin törətdiyi fəsadların aradan qaldırılması üçün müvafiq texniki işlər görülür".

Xəbər lenti