Koronavirus bəlası hərbçilərimizi də narahat edir - VİDEO

Ön cəbhədə qızğın döyüşlərin getdiyi bir vaxtda, arxa cəbhədə də vətəndaşlarımız diqqətli olmalıdır. Çünki bütün dünyanı cənginə alan koronavirus bəlası bitməyib və çox təəssüf ki, bu günlərdə ölkəmizdə yolxuma statistikası pik həddə çatıb. Bu virusdan qorunmaq üçün isə hərbçilərimiz vətəndaşlara müraciət edərək bildirib ki, belə davam edəcəyi təqdirdə ordumuz üçün problem ola bilər.

Hərbçilər inanır ki, onlar dövlət sərhədlərini təmin edib qoruduğu kimi insanlar da sağlamlıqlarını qoruyacaq və böyük qələbəni birlikdə qeyd edəcəyik.

Hərbçilərimiz kimi səfərbərliyə yollanan gənclərimizi də narahat edən əsas məqam məhz koronavirusun sürətlə yayılmasıdır.

İndi xalq olaraq iki cəbhədə döyüşməliyik- ön cəbhədə görünən, arxa cəbhədə isə görünməyən düşmənlə. Amma bir hədəfə vurarıqsa, hər iki düşmənə asanlıqla qalib gələ bilərik.

Xezerxeber.az mövzu ilə bağlı daha ətraflı videomaterialı təqdim edir: