Azərbaycan yeni ixrac missiyalarının istiqamətlərini açıqladı VİDEO

Yeni ixrac missiyalarının təşkil ediləcəyi ölkələr açıqlanıb. İlin sonuna kimiAzərbaycan daha 12 ixrac missiyası təşkil etməyi planlaşdırır. Bu ilin 4 ayında kənd təsərrüfatı məhsulları 12,9%, sənaye məhsullarının ixracı isə 23,6% artıb.

Bu ayın sonunda Ukraynada, gələn ay isə Latviyada Azərbaycan Ticarət evləri açılacaq.Bununla yanaşı ilin sonuna kimiAzərbaycan daha 12 ixrac missiyası təşkil etməyi planlaşdırır.

Azərbaycanda İxracın və İnvestisiyaların Təşviqi Fondu -AZPROMO prezidentinin vəzifəsini icra edən Yusif Abdullayevin sözlərinə görənovbəti ixrac missiyası bu ayın 25-29-da İsveçrədə keçiriləcək. Bu ixrac missiyasında əsasən fındıq ixracatçıları iştirak edəcək. Ötən il 21 min tona yaxın fındıq ixracı ilə Azərbaycan dünyada üçüncü olub.

Iqtidasiyyat nazirinin müavini Rüfət Məmmədov isə bildirib ki,hazırda 1936 adda məhsul ixrac olunur.Azərbaycanın iştirak etdiyi müxtəlif sərgilərdə bağlanan müqavilələrin dəyəri 3,2 milyon dollarda çox olub.

Naziri müavininin sözlərinə görə, bu ilin 4 ayında kənd təsərrüfatı məhsulları 12,9%, sənaye məhsullarının ixracı isə 23,6% artıb.