Xəzər Xəbər

Türkiyəni göz yaşlarına boğan filmin real qəhrəmanı vəfat etdi - VİDEO

Veb TV | 16:02 • 7 Dekabr 2017
Türkiyəni göz yaşlarına boğan filmin

"Ayla” filminin 92 yaşlı real qəhrəmanı Süleyman Dilbirliyi vəfat edib.

Bir müddətdir ki, xəstəxanada yatan Süleyman Dilbirliyi tənəffüs çatışmazlığı səbəbindən Heydərpaşa Nümunə Xəstəxanasında dünyasını dəyişib.

Məlumat üçün bildirək ki, 1950-ci illərdə Türkiyədən Koreya müharibəsinə gedən Süleyman Dilbirliyi kimsəsiz koreyalı qıza sahib çıxaraq, ona 15 ay mənəvi atalıq edib. Müharibəndən sonra Türkiyəyə qayıtmaq məcburiyyətində qalan S.Dilbirliyi koreyalı qızı özü ilə gətirmək istəsə də, həmin ölkənin qanunları buna icazə verməyib.

Onlar haqqında bir çox sənədli film lentə alınıb. Mənəvi ata ilə qız ayrılıqdan 60 il sonra uzun axtarışlar nəticəsində görüşə bilib.

Onu da qeyd edək ki, koreyalı Ayla - Kim Jeul bir həftə əvvəl də S.Dilbirliyini xəstəxanada ziyarət edib. Otağa daxil olan kimi Kim Jeul mənəvi atasının əllərini tutaraq ağlamağa başlayıb. Uzun müddət hərəkətsiz qalan S.Dilbirliyi koreyalı Aylaya reaksiya verib.

Bir çox ölkələrdə marağa səbəb olan "Ayla” filmi də mənəvi ata ilə qızın gerçək və təsirli hekayədən bəhs edir. "Ayla” "Oskar”-a "Ən yaxşı xarici film” kateqoriyasında namizəd göstərilib.

Gerçək hadisələr əsasında çəkilən film bütün Türkiyəni göz yaşlarına boğub./publika.az

Xəbər lenti