Baş infeksionistdən koronavirusla bağlı tövsiyə: Bərk danışmayın! - VİDEO

23.11.2020 20:53

Koronavirusdan qorunmaq üçün sadə qaydalara riayət etmək heç də çətin deyil. Əsas onları bilməkdir. Bəs bilirsiniz ki, qapalı məkanda hətta hündürdən danışarkən virus hissəcikləri ətrafa yayılır? Çünki hazırda hava soyuduğundan biz otaqları qızdırıcı sistemlərlə isidirik və havalandırmırıq. Belə mühitdə sıx təmaslar olursa, koronavirusa yoluxma ehtimalı da çoxalır.

Qapalı məkanlarda, xüsusilə mülayim temperatur və rütubətin az olduğu yerlərdə nəinki asqıranda və öskürəndə, hətta hündürdən danışdıqda da, virus hissəcikləri ətrafa yayılır.

Bu, o deməkdir ki, belə şəraitdə həmin hissəciklər daha uzun müddət havada qalaraq, daha aralıda olan insanları yoluxdura bilər. Baş infeksionist Təyyar Eyvazov belə deyir.

Təyyar Eyvazov qriplə koronavirus arasında oxşar əlamətlərdən də danışıb. Amma istənılən halda özünüzdə ilkin əlamətlər hiss etsəniz özünü müalicəyə başlamaq yolverılməzdir.

COVID-19-la mübarizədə əsas silahımız qoruyucu tədbirlərə ciddi riayət etməkdir. Sağlam olun.

© xezerxeber.az

FOTOQALERIYA






377 dəfə oxunub

XƏBƏRLƏR

ÇOX OXUNANLAR