Zəngilanın "Vejnəli" qızıl yatağından hədiyyə edilmiş torpağı 34 il saxlayan İmişli sakini - VİDEO

İmişli rayonu, Sarıxanlı kənd sakini Camal Ağamalıyev 34 ildir ki, Zəngilan ərazisində yerləşən "Vejnəli" qızıl yatağından ona hədiyyə verilmiş kiçik bir parçanı əmanət kimi saxlayır.

Xezerxeber.az-ın məlumatına görə, Camal Ağamalıyev 1986-ci ildə Fizulu rayonunda xəstəxanada müalicə alarkən orda onunla otaq yoldaşı olmuş Zəngilan rayonunun sakini ilə tanış olub.

Öz aralarında söhbətləşərkən həmin şəxs ona qızıl yatağından kiçik bir parçanı hədiyyə olaraq gətirəcəyinə söz verib və sözünün üstündə də durub.

Həmin vaxtdan 34 il keçsə də, o, həmin parçanı özündə saxlayıb. Zəngilan rayonu işğaldan azad olunduqdan sonra Vejnəli kəndi və buradakı qızıl yatağı barədə televizya vasitəsi ilə gedən xəbərləri izləyərkən otaq yoldaşının ona verdiyi hədiyyə yadına düşüb.

Xezerxeber.az mövzu ilə bağlı daha ətraflı videomaterialı təqdim edir: