Xəzər Xəbər

Dostundan şəhidə vəfa borcu - VİDEO

Veb TV | 20:25 • 7 Mart 2020
Dostundan şəhidə vəfa borcu -

Aprel döyüşlərində şəhid olan Samir Kaçayevin qəbirüstü abidəsini onun ən yaxın dostu hazırlayıb.

Xezerxeber.az-ın məlumatına görə, 2016-cı il aprel döyüşlərində qəhrəmanlıq göstərərək şəhid olan Dövlət Rəssamlıq Akademiyasının Heykəltəraşlıq fakültəsinin məzunu Samir Kaçayevin qəbirüstü abidəsini heykəltəraş dostu Rahib Qarayev hazırlayıb. Abidə Şamaxı rayon, Məlhəm kənd qəbiristanlığında şəhidin dəfn olunduğu məzarın üzərində ucaldılıb.

Rahib Qarayev deyib ki, şəhid Samir Kaçayev sağlığında həm istedadlı heykəltəraş, həm də yaxşı dost olub.

Şəhidin atası Ziyəddin Kaçayev isə ötən gün Samirin doğum günü olduğunu, hər zaman tələbə yoldaşları və dostları tərəfindən onun xatirəsinin yad edildiyini bildirib.

Qeyd edək ki, əvvəllər də bir neçə şəhidimizin abidəsini hazırlayan heykəltəraş Rahib Qarayev Azərbaycanın yəhudi əsilli Milli Qəhrəmanı, Qarabağ Müharibəsi iştirakçısı Albert Aqarunovun heykəlinin də həmmüəllifidir.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti