Akademikin “elektriçka” əhvalatı Prezidenti və bütün nazirləri GÜLDÜRDÜ - VİDEO

15.01.2020 14:13

Görkəmli neftçi-alim və geoloq, SOCAR-ın birinci vitse-prezidenti, akademik Xoşbəxt Yusifzadə 90 illik yubileyi münasibətilə keçirilən mərasimdə həyatı ilə bağlı maraqlı əhvalat danışıb.

XəzərXəbər mərasimdən həmin hissəni təqdim edirik:

"Mən evlənmişəm, Neft Daşlarında işləyirəm. Amma xanımım kənddədir, şəhərə gedir-gəlir, özü də o vaxt yollar Pirşağıda bir kökdə idi. Heç gedib-gəlmək olmurdu. Gördüm, bu yazıq lap əziyyət çəkir. Bəxtiyar Məmmədov idarədə mənim rəisim idi. Ona bir ərizə yazdım.

Dedim ki, Bəxtiyar Mamedoviç, ya Pirşağıya "elektriçka” çəkdir, ya da mənə ev ver. O, əvvəl bir az gözümün içinə baxdı: nə danışırsan, nə yazmısan? Dedim, yazmışam da, bax. Sonra bir az fikirləşib dedi ki, "elektriçka” çəkdirə bilmərəm, amma sənə ev verərəm.

İndi o gün cənab İlham Əliyev Pirşağıya "elektriçka” ilə gəldi. Mən gördüm bu "elektriçka”nı, ay Xoşbəxt, 60 ildən sonra sənin "elektriçka”n gəldi Pirşağıya. İndi Bəxtiyar sağ olsaydı, deyəcəkdi, evi qaytar. "Elektriçka” gəldi, evi neyləyirsən?”

© xezerxeber.az


321 dəfə oxunub

XƏBƏRLƏR

ÇOX OXUNANLAR