Bakıda qardaşın bıçaqladığı bacıların ikisi də öldü - VİDEO

20.04.2019 18:23

Bakıda qardaşının bıçaqladığı bacılardan digəri dəxəstəxanada vəfat edib.

XəzərXəbər-in məlumatına görə, hadisə aprel ayının 16-da paytaxtın Xəzər rayonu, Buzovna qəsəbəsində baş verib.

Belə ki, 1976-cı il təvəllüdlü Əlimanov Muxtar Şirbala oğlu ailə münaqişəsi zəminində yaşadığı evin qonaq otağında bacısı, 1964-cü təvəllüdlü Əlimanova Səadət Şirbala qızını mətbəxdən götürdüyü bıçaqla bir neçə zərbə endirərək öldürüb.

Daha sonra həmin bıçaqla digər bacısı 1962-ci il təvəllüdlüƏlimanova Məlahət Şirbala qızına bir neçə bıçaq zərbəsi vuraraq ağır bədən xəsarətləri yetirib. Ağır yaralanan qadın dərhal xəstəxanaya yerləşdirilib. Həkimlərinsəylərinə rəğmən qadın dünən xəstəxanada dünyasını dəyişib.

Qadının meyiti tibbi ekspertizaya təqdim edilib.

Faktla bağlı Cinayət Məcəlləsinin 120.2.7-ci (iki və daha çox şəxsi qəsdən öldürmə) maddəsi ilə cinayət işi başladılıb.

© xezerxeber.az


405 dəfə oxunub

XƏBƏRLƏR

20.07.2019 15:27

Qaradağda ev yanıb

ÇOX OXUNANLAR