Bu toyda 15 kilo qızıl, 1 milyon pul yığıldı - VİDEO

14.09.2017 15:20

Türkiyənin Van şəhərində baş tutan toyların birində gəlin və bəy üçün gətirilən qızıl və pulun miqdarı eşidənləri təəccübləndirib.

Toya dəvət olunanlar səbəbkarlara bütövlükdə 15 kq qızıl, 1 milyon TL (təxminən 499 min AZN) hədiyyə ediblər.

Başkale rayonunda böyük bir qəbilənin lideri İsgəndər Ertuşun inşaat mühəndisi olan oğlu Şərəf Ertuşla iş adamı Muhsin Aydının qızı üçün görkəmli toy mərasimi təşkil olunub. Toya nəinki bu rayondan, ölkə ərazisindən, eləcə də xaricdən bütövlükdə 4 mindən çox dəvətli gəlib. Onlar toyun gedişində xoşbəxt cütlüyə qızıl və pul hədiyyə etmək üstündə sanki yarışa giriblər. Taxılan qızılların çoxluğu səbəbindən gəlinin qol və boynunda yer qalmaması azmış kimi, bəyin yanına qoyulan qutuya pul zərfi salmaq üçün də qonaqlar uzun bir növbəyə düzülüblər.


© xezerxeber.az


260 dəfə oxunub

XƏBƏRLƏR

ÇOX OXUNANLAR