Bakı
23 C
USD
EUR
1.7000
1.9090
RUB
GBP
0.0260
2.2114
XƏBƏR
ARXİVİ

"Ford" Rusiyanı tərk edir

26.03.2019 17:00

"Ford” şirkəti Rusiyanı tərk edir.

ONA Rusiya mediasına istinadən xəbər verir ki, ABŞ avtomobil istehsalçasının Rusiyadakı zavodlarının rekonstruksiyası ilə bağlı yekun qərar sabah, martın 27-də veriləcək.

Qeyd edək ki, "Ford”un Rusiyada 3 zavodu var. Məlumata görə, artıq "СP Ford Sollers" bu ölkədəki aktivlərin satılması ilə bağlı artıq danışıqlara başlayıb. Məşhur brend yaxın gələcəkdə Rusiyada yalnız müəyyən model minik avtomobillər istehsal etmək istəyir.

Rusiyada yerləşən 3 zavoddan ikisinin bağlanması haqqında bu ilin əvvəlində "Reuters" məlumat yayıb. 2015-ci ildə ABŞ-ın digər bir məşhur avtomobil brendi "General Motors" da Rusiya bazarını tərk edib.

Xatırladaq ki, Azərbaycanda da "Ford" avtomobilləri satılır. "Rusiyada yaranmış vəziyyət ölkəmizə gətirilən bu modellərin qiymətində bahalaşma yarada bilərmi?" sualına cavab olaraq "Ford Bakı" mərkəzindən bildiriblər ki, "Ford Mondeo" modeli İspaniyadan, "Ranger" Cənubi Afrikadan, "Tranzit" və digər əksər modellər Türkiyədən gətirilir.

© xezerxeber.az


148 dəfə oxunub

XƏBƏRLƏR

ÇOX OXUNANLAR