Qəbələ Rayon Polis Şöbəsinin əməkdaşları yaşadığı evi qanunsuz olaraq tərk edən və infeksiyanın yayılmasına şərait yaradan aktiv koronavirus xəstəsi aşkarlayıblar.
Daxili İşlər Nazirliyinin mətbuat xidmətinin Şəki regional qrupundan xezerxeber.az-a bildiriblər ki, COVID-19 testinin nəticəsi pozitiv çıxan və ev şəraitində müalicəyə cəlb olunan Kiçik Əmili kənd sakini A.Gəncimov sanitar-karantin qaydalarını pozaraq yaşadığı ünvanı tərk edib. O, ictimai məkanda hərəkətdə olarkən saxlanılaraq yaşadığı ünvana geri qaytarılıb.
Həmin şəxs barəsində Qəbələ Rayon Polis Şöbəsinin istintaq bölməsində araşdırma aparılır.