Çaylarda sululuq səviyyəsi dəyişib

Yanvarın 21-də Kür çayının Qıraqkəsəmən məntəqəsində suyun səviyyəsində 6 sm azalma müşahidə olunub. Hazırda məntəqədə su sərfi 105 m3/s olmaqla ongünlük normanın 67 faizini təşkil edir. 2018-ci ildə isə bu rəqəm 171 m3/s olmaqla ongünlük normanın 109 faizini təşkil edib. Qanıx çayının Əyriçay məntəqəsində suyun səviyyəsində 2 sm azalma müşahidə olunub. Hazırda məntəqədə su sərfi 56,0 m3/s olmaqla, ongünlük normanın 84 faizini təşkil edir. 2018-ci ildə isə bu göstərici 64 m3/s təşkil edərək ongünlük normanın 96 faizinə bərabər olub.