Şirvan şəhərində mağazadan oğurluğa cəhd edən şəxs xəzinədar qadını və satıcı-nəzarətçini ağır yaralayıb.
Aprelin 22-də axşam saatlarında Şirvan şəhərində yerləşən marketlərdən birinə basqın edilib. Marketə pul əldə etmək məqsədilə daxil olan şəxs orada çalışan satıcı-nəzarətçi, 1994-cü il təvəllüdlü Mehdiyev Fərid Fərhad oğlunun və kassada əyləşən 1979-cu il təvəllüdlü Həmidova Aynurə Zabil qızının başına "butılka" ilə zərbə endirib. Lakin o, kassadan pul götürə bilməyərək hadisə yerindən qaçıb.
Hər iki şəxs kəllə-beyin travması ilə Şirvan şəhər Xəstəxanasının travmatologiya şöbəsinə yerləşdirilib.
Faktla bağlı Şirvan Polis Şöbəsində cinayət işi açılıb, hadisəni törədən şəxsin tutulması istiqamətində əməliyyat-axtarış tədbirləri həyata keçirilir. (APA)