Xəzər Xəbər

İki dəfə Pulitser mükafatı laureatı Uilyam Mervin vəfat edib

Mədəniyyət | 12:40 • 16 Mart 2019
İki dəfə Pulitser mükafatı laureatı Uilyam Mervin vəfat edib

Amerika şairi, iki dəfə Pulitser mükafatı laureatı Uilyam Mervin həyatının 92-ci ilində Havay adalarındakı evində vəfat edib. AZƏRTAC xəbər verir ki, bu barədə "The New York Times” qəzeti "Copper Canyon Press” nəşriyyatının mətbuat katibinə istinadla məlumat yayıb.


U.Mervin ABŞ-ın ən böyük şairlərindən biri sayılırdı. O, 1971 və 2009-cu illərdə Pulitser mükafatına layiq görülüb. 2010-2011-ci illərdə ABŞ-ın laureat şairi adlandırılıb.


U.Mervin öz ilk şeirlər toplusunu 20 yaşından sonra çap etdirib. Yaradıcılıq həyatı boyu onun təqribən 30 şeir toplusu, o cümlədən Dante Aliqyeri, Pablo Neruda, Osip Mandelştam və digər dünya şöhrətli şairlərin əsərlərindən tərcümələri nəşr olunub.

Xəbər lenti