Xəzər Xəbər

Peyvənddən sonra orqanizmdə hansı dəyişikliklər ola bilər?

Maraqlı | 17:03 • 15 Yanvar 2021
Peyvənddən sonra orqanizmdə hansı dəyişikliklər ola bilər?

Koronavirus peyvəndi vurulan şəxslərin əksəriyyəti koronavirusa təkrar yoluxmayacaq, yoluxanlarda isə yüngül simptomlar hiss ediləcək".



Bu sözləri açıqlamasında Azərbaycan Həkimləri İctimai Birliyinin sədr müavini, həkim-radioloq Aydın Əliyev bildirib. A.Əliyev peyvənd olunmuş şəxslərin koronavirusa yoluxmasının səbəblərini açıqlayıb:


 


"Vaksindən sonra insanda müəyyən immunitet yaranır. Ola bilsin, bəzi insanlarda yaranan immunitet bir qədər zəifdir. Bu o deməkdir ki, orqanizmdə virusa qarşı zülallar yaranır. Bundan sonrakı mərhələdə peyvənd olunmuş şəxsin orqanizminə xəstə insandan aktiv viruslar düşsə belə onda xəstəlik yaranmır. Yəni, aktiv zülallar virusu öldürür. Amma o şəxslərdə ki, immunitet zəif formalaşıb, onlar koronavirusa yoluxsalar ən pis halda yüngül halsızlıq, baş ağrısı hiss edə bilərlər.


 


Koronavirusa xas olan iybilmə və dabilmənin getməsi isə peyvənd olunan bu şəxslərdə çox cüzi şəkildə hiss olunacaq. Yəni, indi aktiv xəstədəki əlamətlər peyvənd olunmuş şəxslərdə özünü təqribən 10 faiz biruzə verə biləcək. Amma mütləq əksəriyyətin orqanizminə aktiv virus düşsə belə heç bir xəstəlik hiss edilməyəcək"./Sfera.az


Xəbər lenti