Xəzər Xəbər

Çay evinin sahibi və 18 müştəri karantin qaydalarını pozdu

Hadisə | 15:57 • 11 Dekabr 2020
Çay evinin sahibi və 18 müştəri karantin qaydalarını pozdu

Abşeron rayonunda komendant saatının tələblərini və karantin qaydalarını pozaraq fəaliyyət göstərən çay evi aşkar edilib.

DİN-in Mətbuat Xidmətindən Xezerxeber.az-a verilən məlumata görə, Xırdalan şəhərində polislər tərəfindən nəzarət tərdbirləri həyata keçirilən zaman "Ray club”adlı çay evinin müəyyən edilən tələbləri kobud sürətdə pozaraq fəaliyyət göstərdiyi müəyyən olunub. Çay evində qaydalara əks olaraq müştərilərə qəlyan da təklif edilib. Obyektin sahibi, xidmət personalı və orada olan 18 müştəri Abşeron Rayon Polis İdarəsinə gətiriliblər. Onlar barəsində inzibati protokollar tərtib edilib.

Toplanan materiallar baxılması üçün Abşeron rayon Məhkəməsinə göndərilib.


Sevinc 

Xəbər lenti