Daxili İşlər Nazirliyinin mətbuat xidmətindən xezerxeber.az-a bildiriblər ki, rayon ərazisindəki çay evlərinin birindən 950 manat dəyərində modem, səsgücləndirici, elektrik sobası, spirtli içki, bir kafedən 1500 manat dəyərində 3 ədəd televizor oğurlamaqda şübhəli bilinən Bakı şəhər sakinləri, əvvəllər məhkum olunmuşlar - O.Xəlilov və İ.Quliyev Xətai Rayon Polis İdarəsinin 36-cı Polis Bölməsi əməkdaşlarının keçirdikləri əməliyyat tədbirləri nəticəsində saxlanılıblar. Ətraflarında aparılmış tədbirlərlə onların digər bir kafedən 700 manat dəyərində suqızdırıcısı və təmir-tikinti alətləri oğurlamaları da müəyyən edilib.
Bölmənin əməkdaşlarının keçirdikləri digər əməliyyat nəticəsində isə rayon ərazisindəki mağazaların birindən 80 manat dəyərində tütün məmulatı, bir çay evindən 500 manat dəyərində 3 ədəd televizor oğurlamaqda şübhəli bilinən Bakı şəhər sakini, əvvəllər məhkum olunmuş F.Axundov saxlanılıb.
Hər iki faktla bağlı araşdırmalar davam etdirilir.