Saatlı rayonunda baş verən qəza ilə bağlı cinayət işi başlanıb.
Hadisə rayon ərazisindəki "P-Aqro" MMC-nin Saatlı Pambıq Emalı zavodunda qeydə alınıb.
Zavodda çalışan İlham Zeyniyev idarə etdiyi avtokarla orada işləyən 1969-cu il təvəllüdlü Şəhla Abasovanı vurub. Yaralı xəstəxanaya yerləşdirilib. (APA)
Faktla bağlı Saatlı rayon Prokurorluğunda Cinayət Məcəlləsinin 162.1-ci (əmək mühafizə qaydalarını pozma, zərərçəkmişin xəsarət alması ilə nəticələndə) maddəsilə cinayət işi başlanıb.