Tovuzda evdən 8 min manatlıq qızıl oğurlanıb - FOTO

Tovuzdan evdən oğurluq olub.

Daxili İşlər Nazirliyinin Mətbuat xidmətinin Gəncə regional qrupundan xezerxeber.az-ın yerli bürosuna verilən məlumata görə, oktyabrın 18-də Tovuz rayon polis şöbəsinə rayonun Qovlar şəhər sakini ərizə ilə müraciət edərək naməlum şəxs və ya şəxslərin onun yaşadığı evə qanunsuz daxil olaraq, oradan 8000 manat dəyərində qızıl-zinət əşyaları oğurladığını bildirib.

Rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində oğurluğu törətməkdə şübhəli bilinən rayonun Qovlar şəhər sakini, Ayaz Qasımov saxlanılaraq şöbəyə gətirilib. Dindirilmə zamanı o törətdiyi oğruluq hadisəsini etiraf edib.

Faktla bağlı araşdırmalar aparılır.