Oktyabrın 10-da saat 9 radələrində Xəzər rayonunun Binə qəsəbəsində yaşayan, əvvəllər məhkum olunmuş İ.Bədəlovla bacısı Aygün və qardaşı Elxan arasında münaqişə baş verib.
Daxili İşlər Nazirliyinin Mətbuat xidmətindən xezerxeber.az-a bildiriblər ki, bu zaman İ.Bədəlov Aygünə xəsarət yetirib, "Kia” markalı avtomobilində hadisə yerini tərk edərkən isə Elxanı vurub.
Adam öldürməyə cəhddə şübhəli bilinən İ.Bədəlov Xəzər rayon Polis İdarəsinin 3-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində saxlanılıb. Aygün və Elxan isə xəstəxanaya yerləşdiriliblər.
Faktla əlaqədar cinayət işi başlanıb, Xəzər rayon prokurorluğunda araşdırma aparılır.