Xəzər Xəbər

Göygöldəki dəhşətli qətlin təfərrüatı Dul qadın evlənmək istəyib, gəncin ailəsi razı olmayıb

Hadisə | 12:26 • 9 Sentyabr 2019
Göygöldəki dəhşətli qətlin təfərrüatı

Göygöldə gənc qadının həyatına son qoyan kişi saxlanılıb.

Bu barədə hüquq-mühafizə orqanları mənbələrindən məlumat verilib.

Qeyd edək ki, sentyabrın 8-də Göygöldə qətl hadisəsi baş verib. Cinayətin qurbanı "Beynəlxalq Bank"ın Gəncə filialının əməkdaşı 35 yaşlı Günay Cəlilli olub. Qatil gənc qadının başını kəsib. Keçirilən əməliyyat-axtarış tədbirləri nəticəsində Göygöl polis əməkdaşları cinayətdə şübhəli bilinən 1991-ci il təvəllüdlü Orxan Məmmədovu Bakıda yaxalayıblar.

İlkin məlumatlara görə, G.Cəlilli iki uşaq anası dul qadın olub. OnunO.Məmmədovla yaxın münasibətdə olduğu bildirilir. Şəxslər arasında münaqişənin yaranma səbəbi isə G.Cəlillinin O.Məmmədovdan evlilik tələbi olub.

O.Məmmədov isə bundan imtina edib. Qeyd edək ki, Məmmədovun yaxınları da tərəflər arasındakı yaş fərqinə görə bu evliliyə razılıq verməyib.

Baş verən hadisə ilə bağlı cinayət işi başlanılıb, araşdırma aparılır./oxu.az

Xəbər lenti