Xəzər Xəbər

Bakıda marşrut avtobusuna hücum etdilər

Hadisə | 17:47 • 3 Sentyabr 2019
Bakıda marşrut avtobusuna hücum etdilər

Bakıda naməlum şəxslər "BakuBus” avtobusunun pəncərəsini sındırıb.

Bu barədə "BakuBus” MMC-nin mətbuat xidmətindən məlumat verilib.

Məlumatda bildirilir ki, "BakuBus” MMC-yə məxsus avtobusun pəncərə şüşəsi naməlum şəxslər tərəfindən sındırılıb.

Hadisə sentyabrın 2-də axşam saat 20:00 radələrində Gəncə prospektində qeydə alınıb.

21 nömrəli marşrut xətti üzrə metronun "28 May” stansiyasının qarşısından "Əhmədli” stansiyası istiqamətində hərəkət edən avtobusa yolun kənarındakı ağacların arasından naməlum şəxslər tərəfindən ağır əşya atılıb. Həmin əşya avtobusun pəncərəsinə dəyib və zərbənin gücündən şüşə sınıb.

Hadisə ilə bağlı Bakı şəhəri Xətai rayon 35-ci Polis Bölməsində araşdırma başlanıb.

Xəbər lenti