DİN qətl törətdikdən sonra intihara cəhd edən şəxs barədə məlumat yayıb

Tanışı olan qadını bıçaqlayandan sonra intihara cəhd edən şəxs saxlanılıb.

Daxili İşlər Nazirliyinin xezerxeber.az-a verdiyi məlumata görə, iyunun 7-də saat 11 radələrində Səbail rayonunun A.İsmayılov küçəsində Ağsu rayon sakini F.Abuşov mübahisə zəminində Bakı şəhər sakini olan tanışı K.Mikayılovaya bıçaqla xəsarət yetirdikdən sonra Neftçi Qurban küçəsində inşa edilməkdə olan binanın tikintisində istifadə edilən krana çıxaraq intihara cəhd göstərib. Cəhdin qarşısı alınıb, F.Abuşov polis əməkdaşları tərəfindən saxlanılaraq 8-ci Polis Bölməsinə gətirilib.

K.Mikayılova hadisə yerində ölüb.

Faktla bağlı araşdırma aparılır.