Bakıda DƏHŞƏTLİ OLAY: 25 yaşlı qadın uşaqlarının gözü qarşısında özünü yandırdı - TƏFƏRRÜAT

Bakıda gənc qadın intihar edib.

XəzərXəbər xəbər verir ki, Sabunçu rayonu Bilgəh qəsəbəsində 1993-cü il təvəllüdlü Səidə Quliyeva yaşadığı evin həyətində üzərinə benzin tökərək özünü yandırıb.

Belə ki, 2 azyaşlı uşaq anası olan S.Quliyeva ailə üzvləri evdə olarkən həyətdə intihar məqsədilə özünü yandırıb. Mənzildən həyətə çıxan qadının 5 yaşlı övladı anasının özünü yandırdığını görərək qışqırmağa başlayıb. Daha sonra S.Quliyevanın ailə üzvləri onu xəstəxanaya çatdırıblar. Lakin onun həyatını xilas etmək mümkün olmayıb.

Bildirilir ki, intihar edən S.Quliyeva son vaxtlarda nevroloji problemlər yaşayırmış.

Faktla bağlı araşdırma aparılır.