276 azyaşlıya qarşı seksual zorakılıq hərəkətlərini etiraf edən Xuan Karlos Sançes Latorreyə 60 il həbs cəzası verilib.
XəzərXəbər BBC-yə istinadən xəbər verir ki, kolumbiyalı pedofil bu cinayətləri 2007-2008-ci illərdə törədib. O vaxtlar onun 30-a yaxın yaşı olub.
Latorre "Big Bad Wolf" nikiylə internetdə pornoqrafik məzmunlu şəkil və videolar yaymaqla məşğul olub. Daha sonra ticarət mərkəzlərində uşaqlarla görüşərək, onlara pul qarşılığında seksual anlaşmalar təklif edib. Razılaşmayanlara isə zor tətbiq edib.
Ötən il Venesuelada saxta sənədlə yaxalanan Latorre 2018-ci ilin sentyabrında Kolumbiyaya ekstradisiya olunub. Yerli hökumət onun başqa cinayətlərdə də əli olduğundan şübhələnir.
Qonşuları onun pedofil olduğundan şübhələnmədiklərini bildiriblər.