Goranboyda dəhşət: Qardaş qardaşı öldürdü! - Təfərrüat

Biri polis şöbəsindədir, biri isə az sonra dəfn olunacaq...

Goranboy rayonunda qətl hadisəsi baş verib. Rayonun Xanqərvənd kəndində qardaş qardaşı öldürüb.

Kənd sakinlərinin AzNews.az-a verdiyi məlumata görə, hadisə zamanı dünyasını dəyişən qardaş İsmayıl Məmmədov 11-ci sinif şagirdidir:

"Hadisə gecə saatlarında baş verib. Xəlil 9-cu, ismayıl isə 11-ci sinifdə oxuyur. Atasının dediyinə görə, uşaqlar evdə oynayırmış. Oyun zamanı Xəlil qəfildən əlinə mətbəxt bıçağı alıb. Bıçağı qardaşına tuşlayıb. Bıçaq birbaşa İsmayılın ürəyinə dəyib, elə oradaca da ölüb. Hazırda Xəlil polis şöbəsindədir, İsmayıl isə bir azdan dəfn olunacaq”.

Kənd sakinləri onu da qeyd ediblər ki, İsmayılgil ailədə 3 uşaq olublar. Ataları Aftandil Məmmədov hazırda Naftalan Çinar Sanatoriyasında işləyir.