Nəticədə heç bir partlayıcı maddə tapılmayıb
Qazaxıstanın Astana şəhərində 22 nömrəli orta məktəbdə 1800 nəfər "bomba qoyulub" xəbərinə görə evakuasiya edilib.
Bu haqda informasiyanı Astana şəhərinin polis departamenti yayıb.
Mənbə bildirir ki, 102-yə telefon zəngi naməlum şəxs tərəfindən səhər saat 8-də daxil olub və bildirilib ki, saat 11-də məktəbə qoyulan bomba partlayacaq.
Əraziyə gələn polislər axtarışa başlayıblar. Həmin vaxt isə məktəbdə olan ümumilikdə 1800-dən çox şagird və müəllim heyəti evakuasiya edilib.
Nəticədə məktəbin ərazisində heç bir partlayıcı maddə tapılmayıb.
Zəng edən isə tez bir zamanda tutulub. 15 yaşlı şagird zəng etdiyini boynuna alıb.
Hazırda insidentlə bağlı araşdırma aparılır.
AzNews.az