Xəbər verdiyimiz kimi, Binəqədi rayonunun Novxanı qəsəbəsi ərazisində piyadaların ölümü ilə nəticələnən yol-nəqliyyat hadisəsi baş verib.
BAKU.WS xəbər verir ki, ölənlərdən biri "Sumqayıt” FK-nın U-15 komandasının futbolçusu Ayxan Qasımovdur.
Bu barədə klubun rəsmi saytında məlumat yerləşdirilib. "Sumqayıt” Futbol Klubu futbolçumuzun vəfatından kədərləndiyini bildirir və ailəsinə başsağlığı verir.
Xatırladaq ki, hadisə oktyabrın 2-si, saat 10:00 radələrində baş verib. Sumqayıt şəhər sakini Fəxrəddin Bəşirov idarə etdiyi "İSUZU” markalı avtomobillə yolun kənarı ilə gedən qəsəbə sakinləri Ayxan Qasımovu və Rasim Bayramovu vurub. Nəticədə onlar hadisə yerində ölüblər.