Son günlər İsmayıllı
rayonunda qeyri-adi hadisə yaşanır. Artıq 10 gündən çoxdur ki, naməlum
şəxs və ya şəxslər gecə saatlarında rayon sakinlərinin evlərinə girərək
oğurluq edir. Maraqlısı odur ki, onlar evlərdən pul və ya qızıl-zinət
əşyalarını deyil, qadınların alt paltarlarını oğurlayırlar.
Rayon sakinlərinin AzVision.az-a
verdiyi məlumata əsasən, artıq bir neçə evdə eyni hadisə təkrarlanır.
Oğurlanan əşyalar isə daha sonra rayon qəbirstanlıqlığında məzarların,
baş daşlarının üstünə asılmış vəziyyətdə tapılır. Baş verən hadisədən
narahatlıq keçirən rayon sakinləri artıq polisə də məlumat veriblər.
İsmayıllı Rayon Polis İdarəsindən
AzVision.az-a
faktı təsdiqləyiblər. Bildirilib ki, hadisə ilə bağlı Polis idarəsinə
məlumat daxil olub. Hazırda araşdırma aparılır. Araşdırma başa çatdıqdan
sonra isə məsələ barəsində ətraflı məlumat vermək mümkün olacaq.