Qəbələdə sevgililər asılmış vəziyyətdə tapıldı İntihar, yoxsa...

Qəbələ rayon Polis İdarəsindən Publika.az-a vbildirilib ki, ilkin ehtimallara görə, hər iki gənc intihar edib.

Faktla bağlı Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi açılıb. Araşdırma davam etdirilir.

***

Qəbələdə bir-birini sevən iki gənc intihar edib.

Rayondan verilən məlumata görə, hadisə avqustun 28-də axşam radələrində baş verib.

Məlumatı verən şəxsin sözlərinə görə, cütlük ailə qurmaq istəyib, amma oğlan evi buna qarşı çıxıb: "Sevgililər asılmış vəziyyətdə tapılıb. Qız ailə qurub ayrılmışdı. Bir uşaq anasıdır. Oğlanın 24 yaşı var. Bir-birlərini sevirlərmiş. Oğlan qızla ailə qurmaq istəyib. Amma oğlanın ailəsi buna mane olub. Onlar da çıxış yolunu intiharda görüblər”.

Məlumatı verən şəxsin bildirdiyinə görə, cütlüyün eyni zamanda öldürülməsi versiyası da var: "Onların səhhətində heç bir problem olmayıb. Uzun zamandır ki, əlaqələri olub, oğlan qızın yaşadığı evə gəlib-gedirmiş. Gələcək həyatlarına qərar verən iki sağlam insan niyə intihar etsin?” (aznews.az)